Noticias

Santa Ageda bezperan, kantuan eta eskean ibili dira txikienak

Comparte en:

Santa Ageda bezpera dela eta, kantuan eta eskean ibili dira gaur goizean Jaso Ikastolako bi urteko haurrak. Egia esan, abestu ez dute gehiegi abestu, baina gogoz astindu dituzte makilak eta are gogo handiagoz jan dituzte gainontzeko ikasleek eta irakasleek oparitan emandako gozoki eta opilak. Bi urteko neska-mutikoak Haur Hezkuntzako eta Lehen Hezkuntzako ikasle eta irakasleen aurrean aritu dira, eta sukaldeko langileen aurrrean amaitu dute euren agerraldi arrakastatsua. Makilak lagungarri izan dira, eta ez erritmoa markatzeko bakarrik; Amaia Lasarte artzain onenen pare ikusi dugu makilarekin bere “artaldea” gobernatzen. Arantza Aleman eta Marian Lasarte eztarria urratu arte aritu dira abesten, eta Esther Spielberg Mikeok ez du bideo kamera askatu ibilbide osoan. Hamaiketako garaian bapo jaten ikusi ditugu guztiak, handi nahiz txiki. Indarrak zaindu beharko bai, inauteriak ere gainean ditugu eta.

Comparte en:

Leave a Comment

Zure e-posta helbidea ez da argitaratuko.

Noticias

Noticias relacionadas

HAUR HEZKUNTZAN IPUINAK LANTZEN

HAUR HEZKUNTZAN IPUINAK LANTZEN

5 urteko haurrek ipuinak gustukoak dituzte eta  horregatik HH3 mailan  gai honen inguruan  proiektu bat…
GORPUTZA

GORPUTZA

H.Hezkuntza 2.mailako ikasleak gorputza izeneko proiektua lantzen ari gara. Proiektu honek  bere gorputza eta  haren…
3. ZIKLOA GOLEM BAIONAN

3. ZIKLOA GOLEM BAIONAN

Urtarrilaren 18an, LH 5. eta 6. mailako, 103 ikasle, urteoro bezala, Tinko euskara elkarteak eskainitako…