Noticias

Sanfermin giroa txikienen azken egunean

Comparte en:

Jaso Ikastolako ikasle gazteenek Sanfermin giroan amaitu dute ikasturtea, entzierro eta guzti. Lehen Hezkuntzakoek inbidiak jota begiratu dituzte geletako leihoetatik. “Nik ere ibili nahi dut zezenekin eta kilikiekin”, protestan aritu da bat baino gehiago. Hala ere, beraiek ere ederki gozatu dute, ederki gozatu dutenez, 1. eta 2. mailan makina bat jolas eta ospakizun izan baita ikastolari agur esateko orduan. Jakina denez, aurtengo kurtso amaiera mailakatua izango da, eta Lehen Hezkuntzako gainontzeko taldeek hilaren 24an bukatuko dute.

Haur Hezkuntzako neska-mutikoak betiko orduan etorri dira ikastolara, ez ordea betiko moduan. Zuri-gorriz jantzita, urduritasuna eta ezinegona nabari zitzaien. Azken eguna baitzen, ikaskideei eta irakasleei agur esateko unea. Baina ez hori bakarrik. Jakin bazekiten entzierroa korritu behar zutela, eta horrek izugarri aztoratzen ditu haurrak, batez ere zezenarena egiteko ardura dutenak. Ibai ikusi besterik ez zegoen: goizeko bederatziak jo baino lehen hartu du adarduna esku artean, eta ez zuen inola ere askatu nahi.

Ezin esan zezenak eta buruhandiak guztien gogoko direnik. Txikienentzat beldurgarriak dira; horietako dezente negar-malkotan ikusi ditugu, erabat ikaratuta, irakasleen eta zaintzaileen hanka-artean babestu nahian. Estualdia pasata, dantzan eta saltoka aritu dira denak, handi nahiz txiki, jai giro alaian.

Lehen Hezkuntzako lehen zikloko ikasleentzat ere ez da ohiko eguna izan. Emozioak jota, baten batzuek ikastolara iritsi orduko hasi dira mundu guztia agurtzen eta musu eskean. Jolasak, marrazki bizidunak, ikakideentzako agur gutunak, irakasleentzako loreak,… Denetarik egon da. Nabarmentzekotan, 2B taldekoen zortea nabarmenduko genuke. Bosgarren mailako ikasleek Chocolate party bat prestatu diete, bezperan 2A taldekoentzat egin bezala: jolas mordoa egin dute eta, ondoren, hamaiketako bikaina. Patata tortilla, sandwichak, txokolatezko bizkotxo izugarri ona, eta gehiago. Horrekin konforme ez, eta jantokira ere jaitsi dira gehienak. Jakina, gaurko menuan ez zegoen barazkirik. Gaur kroketak eta izozkiak zeuden eta inork ez dio uko egin bere parteari.

Eta ondoren, orduan bai, benetan agur esateko ordua. Motxilak eta gurditxoak ederki beteta, emozioak gainezka, kirioak dantzan eta milaka musu masailetan. Irailera arte… Uda ona izan dezazuela.

Comparte en:

Leave a Comment

Zure e-posta helbidea ez da argitaratuko. Beharrezko eremuak * markatuta daude

Noticias

Noticias relacionadas

ALTUERA BERRIAK EZAGUTZEN: ESKALADA GURE IKASGELETARA IRITSI DA!

ALTUERA BERRIAK EZAGUTZEN: ESKALADA GURE IKASGELETARA IRITSI DA!

Lehen hezkuntzako bigarren mailako ikasleek, Gorputz Hezkuntzako ikasgaian, abentura bertikal zirraragarri batean murgiltzeko aukera izan…
JASO GINELAKO GARA-BIDEOA-

JASO GINELAKO GARA-BIDEOA-

Dakizuen bezala, maiatzaren 13an Jaso Ikastolako ikasle eta langile ohien festa ospatu genuen. Mezuarekin batera…

DBH 1. MAILAKO IKASLEAK DONOSTIAKO VICTORIA EUGENIA ANTZOKIAN

Pasa den astean, Maiatzak 16, DBHko 1.mailako ikasleek Donostiako Victoria Eugenia Antzokian, Noé balletaren zuzeneko…