Haur Hezkuntzako 5 urteko geletako neska-mutilak Mendillorriko ur-biltegia ikusten izan dira aste honetan. Bisita asteazken goizean egin zuten, Andone Salbarredi eta Bego Fernandez tutoreek lagunduta. Mendillorrira autobusez joan ziren eta hango ur-biltegian uraren ziklo osoo ikusteko aukera izan zuten. Iruñerriko Mankomunitateko monitore batek azaldu zien nola sortzen den ura eta zer bide egiten duen gure etxeetako iturrietara iritsi arte. Era berean, oso baliabide garrantzitsua eta urria denez, ura neurrian erabili behar dugula ohartarazi zien, alferrik galdu gabe. HHko 3. mailako ikasleek adi-adi entzun zituzten azalpen guztiak, eta ondoren primeran pasatu zuten parkean jolasean. Aurretik hamaiketa ederra eginda, jakina, ume hauek ura baino zerbait gehiago behar baitute handitzeko.
