Konfinamendu egoeran egon arren gure ikastolako ikasleekin, baita ikastolako komunitate osoa elkarrekin ere, lanean jarraitzen dugu.
On line baliabideei esker, esperientzia berriak aztertzen eta martxan jartzen ari gara, azkenean, hezkuntza metodo berriekin lanean dihardugu ikastolako egunerokotasuna ordezkatzeko. Badira urte batzuk ikastoletan etengabeko berrikuntzan murgilduta gaudela, hala nola, pedagogia ikuspegi desberdinak garatzen, metodologia aktibo berriak diseinatzen, ikaskidetza adibidez, eta proiektuka lan egiten. Esan beharra dago, urte horietako berrikuntzei esker ari garela egun lanean eta horrenbestez, ez dugula ikas prozesuan etenaldirik egin behar izan ezohiko egoera honetan.
