Argitxorekin Iribasen

Jaso Ikastolako 4 urteko bi gelak Iribasen izan ziren joan zen ostiralean, maiatzaren 21ean, eta Argitxo panpina eraman zuten Larraun harana ikus zezan. HHko neska-mutikoek autobusez egin zuten bidaia, Axun eta Irene tutoreek lagunduta. Eguraldi bikaina eduki zuten, eguzkitsua eta beroa. Aukeran, beroegi eta guzti. Ibilaldi luzea egin zuten, ia Larraun ibaiaren sorbururaino. Belardi eder batean bazkaldu zuten eta arratsaldea frontoian eman zuten. Argitxok primeran pasatu zuen eta, esker onekoa denez, txupatxus bana eman zien umeei.