San Fermin, Paz de Ziganda eta Jaso Ikastolako guraso taldeak, aurten azken Ikastola honen ardurapean, 2023ko Hizkuntzen Feria antolatu du Nafarroako Ikastolen Elkarteko familientzat.
Zenbait enpresek hizkuntza-murgiltzearekin loturiko beraien eskaintzak eginen dizkiete familiei. Eskaintza horiek udarako zein ikasturte osorako izanen dira, eta adin-tarte ezberdinei eskaintzeaz gain, hemen zein atzerrian egin ahal izanen dira.
Aukeratutako enpresak, jada ezagutzen ditugun enpresak dira, hots, seriotasun eta konfiantza eman dutenak. Azpimarratu behar da, hala ere, antolatzaileen funtzioa eskaintza aurkezten erraztea besterik ez dela. Antolatzaileek, beraz, ez dute inolako ardurarik hartzen enpresa hauen lanarekin.
Noiz:
Urtarrilaren 27an, ostirala, 17:00-20:00 Urtarrilaren 28an, larunbata, 10:30-13:30
Tokia: Jaso Ikastola (Miluze zubia, 14) (Iruñea. Liburutegi orokorraren ondoan)
