Noticias

Pintxorik goxoenak

Comparte en:
Share on facebook
Share on twitter
Share on linkedin
Share on whatsapp

Agian nekatuta, baina goseak ez behintzat. Jaso Ikastolako 5. mailako ikasleak bapo janda atera dira gaur eskolatik. Horrela bizi gara unitatea lantzen ari direla eta, pintxo lehikaeta egin dute bi taldeek, Xabier Garcia de Eulate eta Dabid Albira tutoreen laguntzaz. Pintxoak taldeka prestatu dituzte, ikasgelan, osagaien ezaugarri nutrizionalak kontuan hartuta.

Ondoren areto nagusian aurkeztu dituzte, dotore asko aurkeztu ere, dastaketarako. Pintxoak ezezik, pintxoak egiteko instrukzioak eta haien ezaugarriak ere azaldu dituzte horma irudietan. Pintxo dastaketa areto nagusian izan da. Hantxe zeuden zain epaimahaiko kideak: Birijina idazkaria eta Eneko bulegaria, munduko gastronomorik mokofinenak. Kostata aukeratu dituzte pintxo onenak; esan dutenez, aurtengoan maila oso-oso altua izan da, eta ez da samurra izan saridunak aukeratzea (agian horregatik ez dira dastaketa xume batekin konformatu: pintxo mota bakoitzetik bizpahiru mokadu jaten ikusi ditugu, profesionaltasunaren izenean).

Azkenean hauxe izan da epaimahaiaren erabakia: pintxorik onena Postre-pintxo lanarentzat. Egileak: Idoia Nabal, Amaia Urtasun, Loren Otermin eta Maialen Saenz. Bigarren saria, pintxo originalenari dagokiona, Frutti-txotx pintxoak jaso du, Amaia Vidondo, Iker Otazu, Sara Urdiroz eta Leire Ruizek egina; eta, azkenik, pintxo nutritiboenaren saria Carlota Urra, Jon Ferrero, Irati Azkoitik eta Mikel Razkinek jaso dute, Tic-tak pintxoarekin. Irabazleek jaso duten saria pintxoak bezain goxoak eta nutritiboak izan dira: bina musu epaiamahaiko kideen partetik. Hortik aurrera, barra librea izan dute neska-mutiboek pintxo janari ekiteko. Eta ez ikasleek bakarrik. Felix Senar LHko koordinatzailea ere ikusi dugu pare bat irensten. Eguerdirako mahai gainean ez da alerik gelditu. 

Comparte en:
Share on facebook
Share on twitter
Share on linkedin
Share on whatsapp

Leave a Comment

Zure e-posta helbidea ez da argitaratuko.

Noticias

Noticias relacionadas

PLAKA FOTOBOLTAIKOEN BIDEZ, ENERGIA AUTOKONTSUMOAREKIN BAT EGITEN DU IKASTOLAK

PLAKA FOTOBOLTAIKOEN BIDEZ, ENERGIA AUTOKONTSUMOAREKIN BAT EGITEN DU IKASTOLAK

JASO IKASTOLAK aurrerapausoa eman du jasangarritasunarekin duen konpromisoan, zehazki, subiranotasun energetikoaren alorrean. Udan, eguzki instalazio…
BIHAR ENDEKALOGOA, IKASTOLAK ETORKIZUNA ERAIKITZEN

BIHAR ENDEKALOGOA, IKASTOLAK ETORKIZUNA ERAIKITZEN

Bihar, Euskal Herriko ikastolok, 2021eko otsailaren 25ean aurkeztu genuen proposamena da. Proposamenaz gain, gogoeta prozesua…
EGILEAREKIN TOPAKETA: JASONE OSORO

EGILEAREKIN TOPAKETA: JASONE OSORO

Irakurketa sustatzeko programaren barruan, LH 6.mailako ikasleek, berriro ere, Firak antolatzen duen  egilearen topaketan, parte…