Jaso Ikastola osasun astea ospatzen ari da astelehenaz geroztik. Ikasleek ohitura osasungarriak har ditzaten, egitarau oparoa prestatu dute Alejandra Rodriguez jantokiko arduradunak eta Elisa Ros Orduz Kanpoko Ekintzen arduradunak. Elikadura zaintzearen eta kirola egitearen garrantziaz jabetzea zen osasun astearen helburu nagusia. Oraindik goizegi da helburua beteko ote den jakiteko, baina begibistakoa da ikasleak gustura ari direla parte hartzen, gustura ari direnez.
Astelehenean, LHko 2. mailako neska-mutikoek gosari mundiala izan zuten ikastolako jantokian bertan (mazedonia fresko eta guzti), eta asteazkenean 1. mailakoek hartu zuten gosarien lekukoa. Tartean, asteartean, etxean gominola naturalagoak nola egin ikasteko tailerra egin zuten. Elikadurarekin batera, kirolak eta dantzak ere izan dute tarterik osasun astean; hala, dantza moderno, judo eta aerobic erakustaldi bana izan dugu ikastolan.
