Gizarte Zientziak ikasgaiaren gaitegiarekin jarraituz, azken aste hauetan, DBHko 1.mailako ikasleak demokraziaren sorreraren inguruan aritu dira. Horretarako, Atenaseko demos kratos-en abiatu gara gaur egungo demokrazia sistemara iritsi arte. Bide hori egiten aritu garen bitartean, Madrilen hauteskunde kanpainan ziren eta aukera izan dugu baita gelan “hauteskunde-expres” batzuk antolatzeko ere. Ondoren, gelan atera ziren emaitzak benetako emaitzekin konparatu genituen. Kuriositatea baduzue, jakin ezazue BDH-1An Más Madrid-ek irabazi zuela eta DBH-1Bn Unidas Podemos-ek. Badirudi gaztetxo aurrerakoiak ditugula ikastolan.
