Ikastolan Euskaraldia egitasmoa martxan jarri dugu eta 16 urtetik gorakontzako bada ere, gure DBHko 78 ikasle animatu dira ikastolako AHO BIZI izateko. Euskaraz ulertzen duten guztiekin euskaraz egiteko konpromisoa hartu dute. Euskaraz ulertzen ote duten ez dakienean lehen hitza, beti, euskaraz izango da; euskaraz ulertzen badu, euskaraz jarraituko du. Gakoa ahal den guztietan euskaraz egitea da. Gure ikasleek oraingoan ere, erdugarri izango dira euskararen erabileran.
Zer da Euskaraldia?
Euskara ulertzen duten hiztunen arteko hizkuntza ohiturak aldatzeko ariketa soziala da Euskaraldia, gizartearen gune guztietara zabaldua eta denborari dagokionez mugatua. Euskaraldiaren helburu nagusia herritarren hizkuntza ohiturak aldatuta euskararen erabilera handitzea da. 2020an, azaroaren 20tik abenduaren 4ra egingo dugu ariketa eta aurten, norbanako bezala (ahobizi edo belarriprest izanez), parte hartzeko aukeraz gain, taldean parte hartzeko aukera ere izango dugu arigune–en bidez.
