JARDUERAK
OKEzehaztasunez
Orduz Kanpoko Ekintzen helburu nagusia EUSKARAren erabileran eragitea da, haurren artean euskarazko harremanak bultzatzea eta euskara bere arlo ludiko eta ez-formalean erabiltzea.
Helburu honetaz gain bestelako hauek ditugu kontuan:
- Euskararen erabilera indartzea, jarduera ludikoen, motibatzaileen eta gure ikasleentzat interesgarriak diren jardueren bidez.
- Haurrek bere denbora librea modu eraikitzaile eta emankor batez bizi dezaten.
- Gaitasun emozionalak eta/edo bestelakoak lantzea, aisiaren eta astialdiaren merkatuan aurkitzen zailak diren jardueren bidez, hala nola yoga, sormen-tailerra, zientzia eta diseinu tailerra, txalaparta, xakea, bertsolaritza, etab.
- Bizikidetasuna sustatzea, arau, ordutegi, material eta instalazioekiko begirunea landuz.
- Azken finean, heziketa alor ezberdinetan bultzatu nahi dugu; hizkuntzaren aberatasunean, kirolaren bidez bizimodu osasuntsua bultzatuz, berdintasunean eta elkartasunean oinarrituriko balore hezkidetzaileak sustatuz.