Togon ere mihia ateratzen dute! Nafarroa Oinez 08ko arropa (saldu ez zen arropa) Afrikako herrialde horretara bidali du Jaso Ikastolak Gobernuz Kanpoko Erakunde baten bidez. Ruta de la Luz fundazioa herri txiroetan aritzen da, ikusmen arazoak dituzten herritarrei lagundu nahian. Fundazioan oftalmologo eta optikari talde batek egiten du lan. Nafarroa Oinezko arropa talde horren eskutik iritsi da Afrikaraino.
Guztira 20 pakete bidali ziren Togora. Fardelek abenduan egin zuten Iruñetik Almeriarako bidea, eta handik itsasontziz abiatu ziren Afrikarantz, abenduaren 18an. Bidaia ez zen nolanahikoa izan: hiru hilabete iraun zuen, eta Oinezeko materiala martxoan iritsi zen Dapaong, Bombuaka eta Hadjoundi hirietara. Lehenago beste hamabi pakete bidali ziren Saharako errefuxiatu eremuetara.
