Azken urteotan bezala, Iruñerriko hiru ikastolen guraso taldeak, Jasok, Paz de Zigandak, eta San Ferminek, 2021eko Hizkuntzen Feria antolatu du Nafarroako Ikastolen Elkarteko gurasoentzat. Aurtengo edizioa San Fermin ikastolari antolatzea dagokio.
Zenbait enpresak hizkuntza-murgiltzearekin loturiko beren eskaintzak eginen dizkiete gurasoei. Eskaintza horiek udarako zein ikasturte osorako izanen dira, eta adin-tarte ezberdinei eskaintzeaz gain, hemen zein atzerrian egin ahal izanen dira.
Aurtengo COVID-19k sortutako egoera dela eta, topaketa ez da presentziala izango, On line baizik. Lotura: Hizkuntzen Feria
Noiz:
Urtarrilak 22, ostirala, 16:30-20:00
Urtarrilak 23, larunbata, 10:30-13:30
Aukeratutako enpresak, jada ezagutzen ditugun enpresak dira, hots, seriotasun eta konfiantza eman dutenak. Azpimarratu behar da, hala ere, antolatzaileen funtzioa eskaintza aurkezten erraztea besterik ez dela. Antolatzaileek, beraz, ez dute inolako ardurarik hartzen enpresa hauen lanarekin.
