Lehen hezkuntzako bigarren mailako ikasleek, Gorputz Hezkuntzako ikasgaian, abentura bertikal zirraragarri batean murgiltzeko aukera izan dute: eskalada!
Azken hilabetean, iaz ikastolan instalatu zen rokodromo txikian eskaladako hastapena egiten ibili gara. Hala ere, esperientzia nagusiena gure gelako guraso adituak gonbidatu ditugunean izan da, haien grina eta ezagutzak gure ikasle eta irakaslearekin partekatu baitituzte. Elkarrekin, rokodromo handian ibiltzeko aukera izan dugu eta esperientzia oso aberasgarria izan da. Trebetasun fisikoak, mentalak eta emozionalak garatzeko aukera eman digu, eta, aldi berean, taldean lan egiten eta geure buruarengan konfiantza izaten ikasi dugu.
Gure guraso eskalatzaileekin egindako saioa paregabea eta berezia izan da, aukera berriak aztertzen jarraitzeko eta oztopoen aurrean inoiz amore ez emateko inspirazioa eman digutena.
Eskerrik asko aukera zoragarri honengatik eta zuen laguntzarengatik, hurrengo abentura bertikalera arte!
