From STEAM to PLS TEAM
Jaso Ikastolan 2023-2024rako ERASMUS + programaren barnean sartu gara izenburu honen pean. STEAM metodologiaren barruan, non zientzia, teknologia, ingenieritza, artea eta matematika lantzen diren, musikalarekin eta DBHko ikasleekin lotutako proiektu hau gauzatu dugu. STEAM letrei, P (Physical Education) eta L (Literature) letrak gehitu nahi dizkiogu. Bi ikasgai hauek, DRAMA ikasgaian uztartu egiten dira eta, ikastolan ez dugunez, eta, horretan lan egite aldera, Europako beste bi ikastetxek nola lan egiten duten ikustera abiatuko gara. Proiektuaren helburua, DRAMA ikasgai hori STEAM metodologian integratzen ikastea da.
Lehen bidaitik irisi berriak, Andoni Sagastibeltza (Euskara) eta Imanol Janices (Gorputz Hezkuntza) irakasleak, Mazedonian izan dira. Ohrideko Sv. Kliment Ohdrinski ikastetxean, hain zuzen ere.
Bertan, 3 eginkizun izan dituzte:
- Bertako ikastetxea ezagutu, saioetan murgildu eta irakasleak elkarrizketatzea
- Datorren urtean ikasleekin berriro joan ahal izateko akordioa bertako zuzendariarekin sinatzea
- Bertako ikasleekin Gorputz Adierazpen tailer bat antolatu eta irakasleei musikala PLS TEAM proiektuaren inguruko nondik norakoak azaltzea.
Bikain pasatzeaz gain, eta bisita kulturalak egiteaz gain, informazioz blai bueltatu dira gure bi irakasleak: @jasoeramus instagram kontuan bidai guztia kontatzen ibili dira. Bertan, nabarmenduak atalean, haien bidaiaren bideo guztiak ikusgai dituzue.
Ondorengo bideoan, haien bidaiaren berri izan dezakezue:
Hurrengo bidaia, Maiatza bukarean izanen da DBHko 14 ikaslerekin, Budapest hirira.
