Haur Hezkuntzako 2. mailakoak “lanbideak” gaia lantzen ari direla eta, apirilaren 4ean gelako hiru aita etorri zitzaizkigun beraien lana zertan datzan azaltzera; bi suhiltzaile eta helikopteroarekin lan ezberdinak egiten ibiltzen den beste aita bat.
Hasieran, Haur Hezkuntzako ikasle eta irakasle guztiak Areto Nagusian elkartu ziren etorritako gurasoekin. Helikopteroarekin lanean aritzen den aitak, bai argazkiak eta bai bere lanerako erabiltzen dituen jantziak eta tresnak erakutsi zizkigun. Geroago, suhiltzaileek ere beraien jantziak erakutsi zizkiguten. Horren ondoren, patioan, ekarritako kamioia eta honek dituen tresnak erakutsi zizkiguten, eta bukatzeko, tutu malguetatik ura botatzen utzi zieten ikasleei.
