Heldu den ostiralean, hilak 19, Mari Domingi eta Olentzerori eta ongi-etorria eginen zaie gure ikastolan, urtero bezala. Goizean, ikasle guztiak “baserritarrez” jantzita, Olentzero eta Mari Domingi ikastolan barna ibiliko dira gure abestiekin gozatzen. Txikienek ere txupetea ekar dezakete Mari Domingi edo Olentzerori emateko.
Goizeko jarduera hau eskolako ekintza denez, gurasoei, mesedez, ez etortzea eskatzen dizuegu.
Egun horretan Haur eta Lehen Hezkuntzako ikasleak arratsaldeko 15:00etan aterako dira. DBHko ikasleak, berriz, 12:30ean.
Honetaz gain, ohar honekin batera, Jaso Ikastolak antolatzen duen Mendebaldeako Olentzeroren programa bidaltzen dizuegu. Anima zaitezte auzoan barna eginen dugu kalejiran parte hartzera, arratsalde polita igaroko dugu elkarrekin, eta ikastolako frontoian pintxo-poteoan amaituko dugu!
OPARI BILKETA
Aurten Mari Domingik eta Olentzerok LHko ikasleen opariak jasoko dituzte. Horretarako, abenduaren 19an, ostirala, ikasle bakoitzak etxean soberan duen eta oraindik erabilgarri dagoen jostailua edo liburua ekarriko du, eta areto nagusian bere oparia Olentzero edo Mari Domingiri emanen dio. Bilduko ditugun opariak Iruñeko Udalak Civivox-etan jarri dituzten opari-bilketa puntuetara eramanen ditugu. Beraz, zinez eskertuko genizueke, hau kontutan izatea, eta LHn dagoen zuen seme-alaba egun horretan jostailu edo liburu batekin bidaltzea. Mesedez, opariak paperean bildu gabe ekarri.
