Dakizuenez, Nafarroako lehen ikastola, Uxue Ikastola, sortu zela 50 urte betetzen dira aurten eta hori ospatzeko, pedagogiarekin, kulturarekin eta kirolarekin lotutako hainbat ekintza antolatuko ditu Nafarroako Ikastolen Elkarteak. Horien artean, ziklo martxa bat antolatu da azaroaren 7an, larunbata, eta horren amaiera Jaso Ikastolan izango da.
– Paz de Ziganda eta San Fermin Ikastoletatik ziklo martxa bana abiatuko dira goizeko 09:30ean.
– Iruñeko Kontsistorial plazan elkartuko dira bi Ikastoletako ziklo-zutabeak eta elkarrekin Jaso Ikastolaraino joango dira.
-Jaso Ikastolara 11:00-11:30ak inguru horretan iritsiko dira.
Bertan, jai giroa prestatu dugu: herri-kirolak, trikitilariak eta puzgailuak. Indarrak hartzeko hamaiketakoa ere izango da, txistorra eta sagardo kupela (helduentzat).
Ekitaldia irekia izango da eta Jaso Ikastolako guraso eta familia oro gonbidatu nahi zaituztegu hurbiltzera eta disfrutatzera.
Bertan elkar ikusiko dugulakoan,
Agur bero bat.
