DBH 2. mailako ikasleek Iruñeko Udalak bultzatutako NATURART proiektuan parte hartuko dute.
Otsailean zehar, UNIBERTSOA gai hartuta, lorategi bat diseinatu beharko dute. Lorategiak ezaugarri bereziak izango ditu: 120 m2 eta erabilitako materialak naturalak edo birziklagarriak izango dira,
Diseinua bukatuta, apirilean, Iruñeko Udaleko lorezainekin elkarlanean arituko dira, beraiek egindako diseinua Ziudadelako fosoetan gauzatuko dutelako. Horrela, beraiek prozesu osoa egiteko aukera izango dute: ideia, diseinua, bideragarritasuna, elkarlana teknikariekin eta lorategia egitea.
Atzo, lehendabiziko urratsa eman zuten, Iruñeko Planetarioan izan baitziren proiektuaren berri izateko eta lehendabiziko hausnarketekin hasteko.
Jaso Ikastolako ikasleen lorategia Ziudadelako fosoetan egongo da ikusgai apiriletik aurrera.
