Badugu hemen!! Gogoz eta gogor hilabete hauetan entsaiatzen aritu ostean, Batek Daki! Musikala lehen aldiz Barañain Auditorioan oholtzaratuko da Apirilaren 15ean.
Sarrerak idazkaritzan eros daitzakezue OTSAILAREN 24tik aurrera, beraz, espabilatu, ti-ta batean agortzen baitira. www.auditoriobaranain.com web orrian ere salgai izanen dituzue.
Bestalde, gure Twitter eta Instagram kontuak jarrai ditzakezue: @jasomusikala
SINOPSIA
Musika, akrobaziak, dantza eta antzerkia uztartzen dituen misteriozko musikal hau, Jaso Ikastolak aurkezten duen 4. musikala da.
Koldo (Alex Castillo) hil dute. Nork,Non,Zergatik, Noiz eta nola? Batek Daki! Bere bizitzako azkeneko egunetako gertakizunetan sakontzen du Jaso Ikastolak egindako 4. Musikal honek. Istorioa modu oso berezian kontatuta dago, publikoak erabakiko baititu istorioaren nondik norakoak.
Lagundu gure trailerra sare sozialetan zabaltzen!!!
