Noticias

Izerdi-patsetan Korrika

Comparte en:

17. Korrika Iruñera iritsi baino ordu batzuk lehenago, Jaso Ikastolako ikasleek Korrika Txikia egin dute Mendebaldea auzoan barna. Handi nahiz txiki, denak ikusi ditugu mihia kanpoan zutela, izerditan blai. Eguzkiak gogotik jotzen baitzuen eguerdian, aurtengo apirilak opari ekarri digun uda beteko giroan.

Lekukoa eskuz eskuz ibili da, Argitxorekin batera. Lehendabizi HHko neska-mutikoek, gero DBHkoek eta azkenik LHkoek eraman dute lekukoa. Ibilbidea amaitzean, ikasle taldeek idatzitako mezuak irakurri dituzte. Ondoren ez da musika, dantza eta jai girorik falta izan. Seigarren mailako ikasleek Ihauterietarako egin zituzten hiru munstro erraldoiak ere animatu dira festara.

Goizekoa beroketa baino ez da izan, Korrika nagusia arratsaldez sartu baita Iruñerrian. Jaso Ikastolak 316. kilometroa zuen erosia eta, lekukoa ia gauerdian iritsi bada ere, jendetza zuen zain. Ttipi-ttapa, ttipi-ttapa, gogoz egin dute ikastolako ikasle, guraso nahiz langileek Barañaingo sarrera bitarteko tartea. Horrekin aski ez eta Beriain aldera abiatu da ondoren talde bat, ikastolako langileek hain baitzuten beren kilometroa, 344. kilometroa hain justu ere.

Aurrera Korrika!

MobileMe galerian edo Flickr-en sartuz gero, ehun argazki inguru topatuko dituzue.

Comparte en:

Deja un comentario

Tu dirección de correo electrónico no será publicada.

Noticias

Noticias relacionadas

ÚLTIMA OPORTUNIDAD PARA VER SUTAN-Musikala- EN IRUÑA

ÚLTIMA OPORTUNIDAD PARA VER SUTAN-Musikala- EN IRUÑA

Mediante estas líneas queremos invitaros a que el próximo 11 de octubre acudáis en familia…
Saludo del nuevo Director: Unai Arellano Lakabe

Saludo del nuevo Director: Unai Arellano Lakabe

Para iniciar este nuevo curso 2022-2023 Unai Arellano Lakabe, nuevo director de Jaso Ikastola, nos…
NÚMERO PREMIADO EN EL SORTEO TANTA

NÚMERO PREMIADO EN EL SORTEO TANTA

Como en los últimos años, la Federación de Ikastolas de Euskal Herria (EHIE) ha sacado…