Haur Hezkuntzako eta Lehen Hezkuntzako ikasleek hasiera eman diote ikasturte berriari. DBHkoak, berriz, ostiralean hasiko dira.
Aurreko egunen lasaitasuna galduz, bederatzietan inguru hasi dira ailegatzen ikasle guztiak ikastolara; gehienak, gurasoek lagunduta, beste batzuk, aldiz, autobusez. Bi urteko txikiak ikastola berriarekin topatu dira, datozen urteetan bere ikastola izango denarekin. Gainontzekoak ohiko lagunekin topatu eta irrien artean geletara sartu dira, poz-pozik.
Aldaketaren bat izan dugu uda honetan ikastolan: alde batetik, frontoiko aldageletako goiko aldean bi gela berriak egin ditugu, orduz kanpoko ekintzak egin ditzaten; bestaldetik, liburutegia beheko solairura eraman dugu, goiko solairuan espazio gehiago egon dadin. Gainera, margoketa lanak ere egin ditugu, ikusiko dituzue….
Urrira arte HHko eta LHko ikasleak goizez bakarrik ariko dira. Ikasleak 15:00etan aterako dira, bazkalduta, jantokia ere lehen egunetik ari baita martxan.
Ongi etorria!
Argazki guztiak ikusteko, sar zaitez Flickr-en edo MobileMe galerian.
