Larunbatean ikastolako festa ospatu genuen. Ur tantaren bat bota bazuen ere, eguraldi oso ona egin zuen; txikiek, gazteek eta helduok egunaz disfrutatu genuen.
Jaia irakasleen eta ikasleen arteko futbol eta saskibaloi partidekin hasi zen; lehenengoa, ikasleek irabazi zuten, eta bigarrena, berriz, irakasleek. Geroago, puzgarriak, umeentzako tailerrak, dantzak, musika, mus txapelketa, bazkaria eta DBH 4. mailako ikasleen agur hunkigarria izan genuen, hortxe bai malkoren bat baino gehiago izan ziren!
Gogorazten dizuegu argazkiak izateaz gain, MobileMe-ko eta YouTube-ko txokoetan DBHko irakasleek eta ikasleek egindako bideoak eskura dituzuela, gozatu!
