Igandean, urriaren 19an, Nafarroako beste 14 ikastolekin batera, Argia Ikastolak antolatuko du Nafarroako ikastolen festa, eta horrela euskararen normalizazio prozesuan lagunduko du. Nafarroa Oinezek bultzada ekonomikoa emango dio Ikastolari eta, bultzada horri esker, Argia Ikastolak lanean jarraitu ahal izango du bere kooperatiba ereduan oinarrituz hezkuntza proiektua eta aldi berean soziokulturala den proiektua garatuz, xede taldetzat Erriberako gizartea duena. Euskara normalizatzen jarraitzen dugu “ez-euskaldun” izendapena duen zonalde batean, non gero eta gehiago diren hizkuntza hori ezagutzen eta egunerokoan erabiltzen dutenak.
NAFARROA OINEZ, GUZTION PROIEKTUA
Argia Ikastolako komunitateak nahi du NAFARROA OINEZ 2019 Erriberako jende guztiaren festa izatea, eta proiektuak ematen duen oihartzuna Erribera markarentzat erakusleiho izatea. Besoak zabalik hartuko ditugu Oinezen antolakuntzan eta garapenean lagundu nahi duten guztiak.
