Haur eta Lehen Hezkuntzako ikasleei asteazkenean pasatu zitzaien bezala, DBHkoei ere bukatu zaizkie oporrak. Gaur, aurkezpenak jaso, eta astelehenetik aurrera normaltasunez hasiko dira.
Batzuk kurtsoz aldatu dira, beste batzuk zikloz, eta DBH 1.eko ikasleak baita solairuz ere aldatu dira, Lehen Hezkuntzatik DBHra igo baitira. Aldaketa ederra beraientzat!
Irakasleek emango dituzten irakasgaiak aurkeztu dizkiete, eta ezarriko dituzten arauak ere. Denak gogoz hasi dira.
Beraz, astelehenetik aurrera Ikastolak ikasle guztiak izango ditu, eta betiko martxa berreskuratu du.
Ongi etorri!
