Eguraldiaz gain, giroa ere bikaina izan da Ikastolako inauterietan. Goiz-goizetik eta txikienetatik hasita, banan banan talde guztiak patio berrian elkartu dira beraien dantzak eta koreografiak erakusteko. Besteak beste, harritakerrak, rokeroak, elur panpinak, piratak, txinatarrak, erizainak, Unanuko mamuxarroak… ikusteko aukera izan dugu.
Ikasleek bukatu ondoren, irakasleen txanda izan da, eta aurten ere, irakasleek sorpresa polita eskaini digute: batukada bat osatu dute. Lehen Hezkuntzako pasabidetik aterata, eta izugarrizko zarata ateratzen, batukada patio berriraino joan da, irakasleek erritmoarekin duten trebezia erakusteko. Carlinhos Brown-en abesti batekin ikasle eta irakasle guztiak elkarrekin dantzatzen amaitu dute. Hori giroa, hori!
Ongi pasa ditzazuela merezitako oporrak!
Oharra: argazki guztiak ikusteko edo deskargatzeko, sar zaitezkete MobileMe galerian edo Flickr-en, Bertan, errehun argazki baino gehiago topa ditzazkezue. YouTube-n ere egindako argazkiekin bideotxo bat duzue. Gozatu!
