LH 6. mailako ikasleek, 2011ko azaroaren 18an Atarrabiako pilategia ezagutzeko bisita egin zuten, Iruñerriko Mankomunitateak antolatua.
Nafarroan ezagutu zen lehenbiziko lanbide-gremioa XIII.mendean eratu zen: Atarrabiako pilategiko langileena izan zen. Antzinako pilategia Trinitateko ur jauziaren ondoan zegoen, eta jatorriz zereala ehotzeko errota izan zen; geroan oihalak egiteko pilategi hidraulikoa, eta, azkenik, paper-orea egiteko lantegia.
Pilategiko langileak, garbitzaileak, errotazainak, arrantzaleak, gatzariak, almadiazainak, urketariak, larru-ontzaileak eta artzainak Iruñerriko ibaietako urez baliatu ziren, Magdalena, Arantzadi eta Arrotxapea aldeko baratzezainak bezalaxe.
