Noticias

Ikasle Ohiak Praktiketan

Comparte en:

Aspaldiko partez, ikasle ohiak gurera datoz  irakaskuntza munduan murgiltzeko asmoarekin. Unibertsitate praktikak gurekin egin dituzten 3ren idatzia duzue hemen.

MARRAREN BESTE ALDEAN

Ikasle izatetik praktiketako irakasleak izatera gure betiko ikastolan

Orain dela asko ez genituela Ana Roncoren ipuinik entzuten edo Beatriz eta

Begoren azterketarik egiten, baina egun hauetan denbora gelditu izango balitz bezala

izan da. Esperientzia hauek gurera bueltatu dira, Begorekin, Xabirekin eta Beatrizekin,

DBHko lehenengo, laugarren eta bosgarren mailan hurrenez-hurren. Duela 4 urte

atera ginen ikastolatik eta duela 17 sartu ginen. Esperekin hasi ginen Etxabakoitzeko

ikastola zaharrean ikasle gisa eta orain praktiketako “irakasle” gisa bueltatu gara

Mendebaldeako gaur eguneko Ikastolara.

Duela 8 urte ez genituela Lehen Hezkuntzako klaseak zapaltzen eta, gure ustez,

dena berdin dago. Ana Roncok, gu ikasten genbiltzan momentuko perfume eta ile

kizkur berbera eramaten ditu eta Begok, adibidez, gure momentuko osagarri gorri

guztiak daramatza- txaketa gorria, betaurreko gorriak…- dena bere ilearekin bat.

Hiru aste hauetan, Izaskun Etxeberriak dioen bezala “marraren beste aldean”

egoteko aukera izan dugu eta gauzek ikastetxe batean nola funtzionatzen duten ikusi

dugu eta ez edozein ikastetxetan, baizik eta guk 14 urtez ikasi genuen Iruñeko Jaso

Ikastolan. Nork imajina zezakeen ikastetxe bat kudeatzea horren zaila izanen zela? Edo

orientatzaileen eta koordinadoreen lana hain konplexua zela? Guk behintzat ez.

Praktika hauek iraun duten hilabete eskas honetan, aurretik ez genekizkien

gauza administratibo asko ikasi ditugu bereziki eta jada irakasleak, gure etorkizuna

eraikitzeko eta osatzeko lagundu egingo gaituzten pertsonak ikusi ditugu oraingoan.

Hasieran, ikasten eman genuen denbora horretan, Jaso Ikastola ongi

ezagutzeko aukera izan genuen, baina gaur egun, nahiz eta hiru astez egon,

kontrolatzen ez genituen esparru desberdinen funtzionamendua ikusteko aukera izan

dugu. Hau da, nahiz eta ikasle ohiak izan, Jaso Ikastolak zehazki nola jarduten duen eta

aldi berean hezkuntza errealitatea zein den ez genuen bere osotasunean ezagutzen.

Esperientzia honen bitartez, hobeto ezagutzera gerturatu gara. Egun hauetan ikastetxe

baten munduan murgildurik egon gara. Hori dela eta, ikusitako gauza guztien inguruan

hausnarketa egin, jasotako informazioa ondo barneratu eta ulertzeko aukera izan

Gela baten benetako egoeran ere barneratzeko aukera izan dugu eta hau

izan da guretzako interesgarriena. Ikastetxearen antolaketa, kudeaketa, dokumentu

ofizialak, hau da, alde teorikoena ikustea oso baliagarria, bitxia eta jakin beharrekoa

dela iruditu zaigu, baina geletan sartzeak, hain zuzen ere, alde praktikoagoa benetan

hunkigarria suertatu zaigu. Azken finean, irakasleak izateko ikasten ari garelako eta hau

da benetan ilusioz pizten gaituena.

Orokorrean, hiru aste hauek birgogoratzen baditugu, oroitzapen atseginak

eta politak burura datozkigu. Azken finean, gure bizitzako urte batzuk bertan eman

ditugulako eta gaur egun gauden lekura heltzeko pasabide moduko bat egin behar izan

dugulako eta noski horrek eragina izan du.

Beraz, honekin guztiarekin, “marraren beste aldean” egondako hiru aste hauek

oso zapore onarekin utzi gaituztela esan beharra dugu. Guk ikastolan pasatako milaka

momentu burura etortzeaz aparte, gu egondako ikastetxeak nola funtzionatzen duen

AITZIBER LEOZ, JOSE JULIO ARANAZ eta NAIARA ADIN, ikasle ohiak.

Comparte en:

Deja un comentario

Tu dirección de correo electrónico no será publicada. Los campos obligatorios están marcados con *

Noticias

Noticias relacionadas

4º de PRIMARIA EN ARBAYUN

4º de PRIMARIA EN ARBAYUN

El 9 de junio los alum@s de LH 4 estuvimos en la hípica de Arbayun.…
FIESTA DE JASO 2023 Y HOMENAJE A KONTXITA MARTINEZ DE LEZEA

FIESTA DE JASO 2023 Y HOMENAJE A KONTXITA MARTINEZ DE LEZEA

Como sabéis, este sábado, celebramos el Jaso Eguna 2023. Zorionak eta eskerrik asko a tod@s…
PREMIOS en la ESO en el CONCURSO LITERARIO DEL AYUNTAMIENTO DE PAMPLONA

PREMIOS en la ESO en el CONCURSO LITERARIO DEL AYUNTAMIENTO DE PAMPLONA

El Ayuntamiento de Pamplona organizó el pasado jueves un acto para entregar los premios literarios…