Noticias

Gosari osasungarria

Comparte en:
Compartir en facebook
Compartir en twitter
Compartir en linkedin
Compartir en whatsapp

Jaso Ikastolako 4. mailako ikasleek gosari osasungarria hartu dute gaur ikastolako jantokian bertan. Laranja-zukua, esnea eta ogi xigortu berria gosaltzeaz gainera, gaiari buruzko azalpenak entzuteko aukera izan dute, Gosaldu, egunero osasun-programaren baitan.

Ekimen hau joan zen ikasturtean abiarazi zuen Iruñeko Udalak, haurrengan gosari osasungarria hartzeko ohitura bultzatzeko. Iruñeko Udalak elikadura-ohiturei buruz egin zuen azken inkestaren arabera, 8tik 12 urtera bitarteko haurren artean % 25ek bakarrik hartzen du bere adinari dagokion gosari orekatu eta nahikoa. Are gehiago, nerabezarora iristean inkestari erantzun ziotenetatik % 8k esan zuen ez duela gosaririk hartzen ikastetxera joan baino lehen. Ohitura zabalduena da gosari arin bat hartzea, eta gero, hori osatzeko, hamaiketakoa hartzea, jostaldian. Baina ordura arte, energia falta nabari dute ikasle askok.

Laugarren mailako neska-mutikoek zintzo hartu dute gosari osasungarria, nahiz eta gehienek ez duten esne hutsa hartzeko ohiturarik. Alferrik aritu dira Cola Cao edo Nesquik eskatzen, gaur ez baitzegoen kakaorik esnea gozatzeko, eta batzuek kostata bukatu dute esne katilukada (ez da hala, Xiker?).

Gosaldu, egunero egitasmoko ordezkariak ikasleei azaldu dienez, gosari osasungarri batek gutxienez hiru osagarri izan behar ditu: esneki bat (esnea, jogurta edo gazta), zereal edo labore bat (ogi xigortu berria edo gailetak, adibidez) eta garaiko frutaren bat. Eta garrantzitsuena: egunero gosaldu behar da eskolara joan aurretik, bestela ez baitugu behar bezala ikasteko eta jolasteko indarrik izango.

Iaz Iruñeko 38 ikastetxek hartu zuten parte programa honetan eta Lehen Hezkuntzako laugarren mailako 1.825 ikaslek bete zuten banatu zitzaien inkesta. Inkestaren arabera, adin honetako haurren % 4k ez dute gosaltzen eskolara joan baino lehen, eta % 27k beren kabuz prestatzen dute gosaria. Iruñeko Udalaren arabera, haurren %30ek bakarrik hartzen dute gosari oso eta orekatua.

Gaiak badu loturarik laugarren mailako ikasleak gelan ikasten ari direnarekin. Tutoreek esan digutenez, gizakien gihar-sistema, hezurdura eta elikadura aztertzen ari dira klasean. Horregatik, ekimen ezin aproposagoa iruditu zitzaien gosari osasungarriena.


Argazki guztiak ikusi, deskargatu edo partekatzeko, sar zaitezte MobileMe galerian edo Flickr-en.

Comparte en:
Compartir en facebook
Compartir en twitter
Compartir en linkedin
Compartir en whatsapp

Deja un comentario

Tu dirección de correo electrónico no será publicada.

Noticias

Noticias relacionadas

EXAMENES C1 DE EUSKERA EN JASO

EXAMENES C1 DE EUSKERA EN JASO

Las pruebas  para la obtención del certificado C1 de la Escuela Oficial de Idiomas tuvieron…
JASO IKASTOLA SE SUMA AL AUTOCONSUMO CON PLACAS FOTOVOLTÁICAS

JASO IKASTOLA SE SUMA AL AUTOCONSUMO CON PLACAS FOTOVOLTÁICAS

JASO IKASTOLA ha dado un paso más en su compromiso con la sostenibilidad y, en…
ENDECÁLOGO “BIHAR”, LAS IKASTOLAS CONSTRUYENDO NUESTRO FUTURO

ENDECÁLOGO “BIHAR”, LAS IKASTOLAS CONSTRUYENDO NUESTRO FUTURO

Bihar es una iniciativa que presentamos las Ikastolas hace ya más de un año, concretamente…