Ezkaba mendian, elurretan

Jaso Ikastolako DBHko 3. mailako ikasleak Ezkaba mendiaren tontorrera (895 metro) igo ziren abenduaren 2an, Iruñeko Udaletxeko plazatik abiatuta. Jasoko neska-mutilek zorte handia izan zuten eguraldiarekin. Ateri zegoenez, lehorrean egin zuten igoera, baina aldi berean elurraren xarmaz gozatuz, bide erditik gorantz elurtuta baitzegoen Ezkaba. Irrist eginez nahiz elkarri pilotakadak jaurtiz, denek izan zuten elurrarekin gozatzekoa aukera, Xabier Arrizibitaren argazki dotoreetan ikus daitekeenez (argazki guztiak ikusteko, sar zaitez MobileMe galerian).
Tontorrean, Ezkabako gotorleku ezaguna bisitatu eta indarrak berritu zituzten hamaiketakoarekin. Artean ez zekiten biharamunean Iruñea osoa esnatuko zela zuri-zuri. Izan ere, Frantzisko Jatsu Xabierkoaren egunean bota du 2010-11 ikasturteko lehen elurte serioa.