Noticias

Erriberriko gazteluan

Comparte en:

LHko bigarren mailako ikasleak Erriberriko gaztelua ikusten izan dira aste honetan. Iruñetik euripean abiatu baziren ere, Erriberrin ateri zegoen eta Jaso Ikastolako neska-mutikoek «izugarri gozatu zuten», Kontxi Atxa tutoreak esan digunez. Izan ere, Erdi Aroa gaia ikasten ari dira, eta ikasleek oso gogoko dute garai hori, Erregeak eta gudak aipatu orduko «borborka hasten baita euren irudimena».

Gaztelu deitzen badiogu ere, egokiagoa litzateke Erriberriko jauregia deitzea, han bizi izan zirelako Nafarroako Errege-erreginak. Defentsa edo erasorako gaztelu militar baino gehiago, bizitoki izan zen jauregia. Erromatarren garaiko gotorlekua Karlos III. Erregeak (1387-1425) handitu eta berritu zuen. Esaten dutenez, bere garaian Europako ederrenetakoa izan zen. Inguruko lubakiak, dorreak eta harresiak ikusgarriak dira benetan. Jakin badakigu garai batean lorategiz inguratuta zegoela, eta zoo bat ere bazuela, baina, zoritxarrez, gaur egun ez da horien arrastorik gelditzen.

Hala ere, bigarren mailako ikasleek primeran pasatu zuten Errege-erreginen gelak ikusten eta dorreetan gora igotzen. Tutoreek azaldu zietenez, beheko galeriak ihes egiteko erabiltzen zituen Karlos III. Erregeak. Ikasleek ez zuten gehiagorik behar izan irudimenari hegan egiten uzteko.

Comparte en:

Deja un comentario

Tu dirección de correo electrónico no será publicada.

Noticias

Noticias relacionadas

PULUNPA. PALABRAS DEL DIRECTOR

PULUNPA. PALABRAS DEL DIRECTOR

Bueno amigos, en la ikastola Jaso tenemos bien cogida la marcha de comienzo de curso…
ÚLTIMA OPORTUNIDAD PARA VER SUTAN-Musikala- EN IRUÑA

ÚLTIMA OPORTUNIDAD PARA VER SUTAN-Musikala- EN IRUÑA

Mediante estas líneas queremos invitaros a que el próximo 11 de octubre acudáis en familia…
Saludo del nuevo Director: Unai Arellano Lakabe

Saludo del nuevo Director: Unai Arellano Lakabe

Para iniciar este nuevo curso 2022-2023 Unai Arellano Lakabe, nuevo director de Jaso Ikastola, nos…