NAFARROA OINEZ 2018 – ALTSASUN “BIZI”
Nafarroa Oinez ikastola guztion proiektua da, ikastola askok bere beharra izaten du epe ertain eta luzerako proiektuak aurrera ateratzeko. Urteak aurrera egin ahala ikastolen proiektuak bere horretan jarraitzen badu ere, azpiegiturak zaharberritu beharrean daude. Horixe da besteak beste, Nafarroa Oinezeko helburuetako bat. Horretaz gain, gure hezkuntza eredua sendotzea eta euskara zabaltzea, eskolan zein kalean erabilia izan dadin.
Aurtengo leloa BIZI da. Eta hori da hain zuzen ere, behar duguna. Ikastoen biziraupenerako jendea Nafarroa Oinez-a bizitzea.
Nafarroa Oinez urte osoko borondatezko lana da, maiz ikusten ez dugun esfortzua. Proiektu itzelak ditu Nafarroa Oinez-ek bere baitan: Oinez Basoa, Txikiak Handi, Erronka, Artea Oinez…
Orain, iritsi da momentua merezi duen erantzuna jasotzeko: urriaren 21ean goazen denok Altsasura!
